Wednesday, May 2, 2018

පොඩි පැටවුන්ට කතන්දරයක් කියවමුද


අපේ බ්ලොග් අඩවිය කියවන ඔබ තමුන්නාන්සේලා දන්නවානේ දෘෂ්‍යාබාධිත පුද්ගලයන් පොත් කියවන ආකාරය... හදිසියේවත් අදම මේ පැත්තෙ ආව, නොදන්න කෙනෙක් හිටියොත් නිසා ඒකත් පැහැදිලි කර ගෙනම කතාවට බහින්නම්කෝ.
සාමාන්‍ය ඔබ කියවන පොතක් දෘෂ්‍යාබාධිත අපට කියවීම අපහසු නිසා අද වන විට බොහෝ දුරට ඕඩියෝ තාක්ෂණයට පොත් නිර්මාණය කරනවා. Mystudiop c කියන සොෆ්ටෙයා එකෙන් තමයි අපි පොත් රෙකෝඩ් කරන්නේ... ඊට පස්සේ අඩුපාඩු හදලා m p3 ෆයිල් එකක් විදිහට හදලා දෘෂ්‍යාබාධිත අයට කියවන්න ලබා දෙනවා.. ඇත්තටම පොතක් කියන්නේ දෘෂ්‍යාබාධිත කෙනෙක්ට ඇසක්... ඒ නිසාම අපේ අය පොත්වලට හරිම ආදරෙයි.... හරිම ලෝබයි...
ඉතින් දැනට ලියවී ඇති පොත්පත් ගත්තහම බොහෝම සුලු ප්‍රමානයක් තමයි ඕඩියෝ තාක්ෂණයට නිශ්පාදනය වෙලා තියෙන්නේ.. එතකොට ඔයාලාට හිතාගන්න පුලුවන් ඇති අපිට කියවන්න තියෙන්නේ කොයිතරම් සුලු පොත් ප්‍රමානයක්ද කියලා.
මේ තත්ත්වය දෘෂ්‍යාබාධිත පුංචි ළමයිට තවත් වැඩී. පුංචි පුංචි ළමයිට අද ලස්සන පින්තූර දැම්ම පොත් කොච්චර වෙළඳ පොලේ මිලට ගන්න තියනවාද? ඒත් දෘෂ්‍යාබාධිත ළමුන්ට ඒ පොත් රසවිදීමේ ගැටලු රැසක් තියනවා.... සමහරක් පුංචි ළමයි ඉන්නේ විශේෂ පාසැල්වල. එතකොට එයාලටපොත් පරිශීලනය වෙන්නෙ නැහැ... එහෙමත් නැත්නම් සමහර දෘෂ්‍යාබාධිත දරුවන්ගේ දෙමාපියන් ද දෘෂ්‍යාබාධිත අවස්ථා තියනවා... එතකොට කොහොමත් පොත් කියවීමේ ගැටලුව ඇති වෙනවා... දෙමාපියන් එක්ක ජීවත් වෙන පුංචි ළමයින්ට මේ ගැටලුව අවම වෙන්න පුලුවන්.... ඒත් අනාබාධිත ළමයෙක් කියවන තරම් කියවන්න ඔවුනට ලැබෙන්නෙ නෑ...
ඔයාලා පුංචි කාලේ කියවන්න ඇති හත්පන, හීන්සැරේ, මගුල් කෑම, වගේ පොත්... ඒත් ඒ පොත් අපිට කියවන්න ලැබුනේ මේ ළඟදි.... එතකොට මේ ගැටලුවේ ප්‍රමාණය ඔබට තේරෙනවා ඇති නේද?
අපි අලුතෙන් පුංචි වැඩක් පටන්ගත්තා... ඒ තමයි පුංචි ළමයින්ටම විශේෂවණු පොත් ඕඩියෝ කරන්න... මොකද තරුණ වයසේ ඉදලා වැඩිහිටි පිරිසට අවශ්‍ය නවකතා, කෙටි කතා, කවි හා අද්‍යාපනික කෘති කිහිප දෙනෙකුම ඕඩියෝ කරනවා... නමුත් කුඩා ළමයින්ටම විශේෂ වූ අවශ්‍ය වූ කෘති කිසිම කෙනෙක් දැනට කරන්නේ නෑ... ඒ විදිහට පොත් කිහිපයක් ජානකී සූරියආරච්චි ලේකිකාව ඕඩියෝ කරලා තියනවා නම් දැක්කා... ඒක ඉතාම වටින වැඩක්...
ඔයාලත් කැමති නම් අපේ පුංචි පැටවුන්ට පොත් කියවන්න, එකතු වෙන්න... මේ පොත් ඕඩියෝ කරලා ඒ කතාවට අදාල විදිහට සංගීතය, ශබ්ධ එකතු කරන්න අපි බලාපොරොත්තු වෙනවා... හරියට ගුවන්විදුලි නාට්‍යක් වගේ... එතකොට පුංචි අයට ගොඩක් රසවත් වෙනවා... ඒ සංගීතය, ශබ්ධ එකතු කරන එක අපේ වැඩක්...
අපේ ඉලක්කය තියෙන්නේ ඒ විදිහට සිංහල, දෙමල ළමා පොත් කරන්න... අවශ්‍ය පොත්පත් අපිට වර්ශ, සිත්තමී අක්ක ලබා දුන්නා... වර්ශ හඬ දායකත්වයත් ලබා දෙනවා... නමුත් හඬ දායකත්වය ලබා දීමට තවත් එකතු වෙනවනම් අපිට ඒක ලොකු හයියක්... මොකද ළමා පොත් ඕඩියෝ තාක්ෂණයට නිර්මාණය වී නැත්තටම නැති තත්ත්වයක් තියන නිසා ලොකු පිරිසක් එකත උනොත් වැඩි පොත් ප්‍රමාණයකට යන්න පුලුවන්... ඒ වගේම දෙමල භාෂාව කියවීමේ හැකියාව ඇති අය තාමත් අපට හමුවුනේ නෑ... ඒ නිසා සිංහල හෝ දෙමල භාෂාවෙන් ලමා පොත් කියවීමට කැමැත්තක් දක්වන කෙනෙක් ඉන්නවා නම් සම්බන්ධ වෙන්න. මේක ලොකු සමාජ සත්කාරයක් වේවි....

16 comments:

  1. අගේ ඇති වැඩක්.

    ReplyDelete
  2. මේ වැඩේට එකතු වෙන්න කැමතියි. මගේ ළඟ ලොකු පොත් එකතුවක් තියෙනවා. මේ ගැන විස්තර සහ ඔබව සම්බන්ධ කරගන්නා ආකාරය කියන්න

    ReplyDelete
    Replies
    1. ahasenenna@gmail.com / wsnirmani.@gmail.com
      sambanda wenna... ekathu weema gana sathutuyi..

      Delete
  3. මේ වැඩේටත් සම්බන්ද වෙන්න බොහොම ආසාවෙන් ඉන්නවා. විස්තර දන්වන්නකෝ...

    ReplyDelete
    Replies
    1. මම ගියපාරත් පොරොන්දු වුණා. රේකොඩින් එකකුත් එවුවා. මේ පාර අනිවාර්යයෙන්ම එනවා.

      Delete
    2. ok ok. aniwaryen enna. podi ewnta pothak kiyawamu...

      Delete
  4. Replies
    1. ekane ekane... winiwida audio books projet eke thawa kotasak....

      Delete

මේ පෝස්ටුව ගැන ඔබේ සැබෑ අදහස සටහන් කර යන්න.